ఒక నిర్దిష్టమైన బైబిల్ లోని వ్యక్తి యొక్క అనుభవాన్ని అపేక్షించడం సురక్షితమే, అయితే ఇది మన పరిస్థితిని అవసరతను అనుసరించి ఉండాలి.
దీనికి భిన్నమైన పద్ధతిలో ఆ ఒక్క అనుభవం వైపుకు తీసుకువెళ్లే బోధకులు ఉన్నారు. ఇది ఆధ్యాత్మిక తీవ్రత పేరిటే! వారికి దూరంగా ఉండండి. విశ్వాసానికి తగిన అనుభవం కలిగిన అనేకమంది వ్యక్తులు బైబిల్లో ఉన్నారు.
దేవుని చిత్తము (మార్కు 3:35):
ఎలియాజరు, గిద్యోను, దావీదు మరియు పౌలు ఆయన చిత్తాన్ని కనుగొని విధేయతను చూపించడంలో గొప్ప ఉదాహరణలు. మీరు దిక్కుతోచని స్థితిలో చిక్కుకున్న పరిస్థితి ఉన్నప్పుడు. మీరు ఆయన చిత్తాన్ని తెలుసుకోవాల్సినప్పుడు, వీరి అనుభవాన్ని కోరుకొని ముందుకు వెళ్లవచ్చు.
మన మార్గాలను ఆయనకు అప్పగించుట(సామె3:6):
తన అత్తగారిని అనుసరించడం ద్వారా దేవునికి తన మార్గాలును అప్పగించికొనిన రూతు ఒక గొప్ప ఉదాహరణ. దేవుడు ఆమె త్రోవను
సరాళం చేసాడు మరియు ఆమె యేసు వంశావళిలో గొప్ప పాత్రగా నిలిచింది. మన భవిష్యత్తు చాలా మసకగా కనిపించినప్పుడు దేవునికి మన త్రోవను అప్పగించుకోవడం సరైనది కాదా? దేవుని చిత్తాన్ని కనుగొనడమే ఏకైక మార్గమా?
దేవుని ప్రేమించుట (రోమా 8:28):
ఈ పద్ధతికి సంబంధించి యోసేపు మాదిరిగా ప్రకాశిస్తాడు. దేవుడు తనతో ఉన్నాడని మాత్రమే అతనికి తెలుసు. అతను ఎన్నో ఒడిదుడుకుల ద్వారా వెళ్ళాడు. అతను ఎప్పుడూ సణుగుతూ దేవుని ప్రశ్నిస్తూ జీవించలేదు. దేవుడు తన మేలు కోసం సమస్తము సమకూర్చి జరిగిస్తున్నాడు. దేవుడు మీతో ఉన్నాడని తెలుసుకొని ప్రేమించడం నేర్చుకుంటే అది తక్కువ ఆధ్యాత్మికతా? మీరు బాధలు అనుభవించినప్పుడు అది దేవుని చిత్తమా అని మీరు పరిశీలించాల్సిన అవసరం ఉందా?
దేవుణ్ణి అడగడం (యోహాను 15: 7):
ఈ రకమైన అనుభవంలో గొప్ప ఉదాహరణ హన్నా. ఆమె సవతి చేతిలో ఆమె ఎన్నో అవమానాలకు గురైంది.
అయితే ఆమె దేవుని పద్ధతికి లోబడి ఆయనకు ప్రార్థించినప్పుడు దేవుడు జవాబిచ్చాడు. ఈ రకమైన పరిస్థితులలో అడగడం మరియు పొందడం వాక్యానుసారమే. ఈ రకమైన అనుభవం మిగతా ఏ ఒక్క రకమైన అనుభవం కంటే తక్కువ కాదు.
దేవుని రాజ్యాన్ని నీతిని వెదకడం (మత్తయి 6:33):
అబ్రహాము అనుభవం ఇక్కడ సరిగ్గా సరిపోతుంది. దేవుడు దేనికి శిల్పియు నిర్మాణకుడో ఆ పట్టణము పై దృష్టితో అబ్రహాము యాత్రికునిగా ప్రయాణించాడు. తన చుట్టూ ఉన్న అందరిలో అబ్రహామునే దేవుడు ధనవంతునిగా ఉంచాడు. మీరు అబ్రాహాము లాగా నడవడం నేర్చుకుంటే ఆధ్యాత్మిక అనుభవంలో తక్కువైపోతారా?
అన్ని రకాల అనుభవాలు దేవుడు నియమించినవవే. ఉపదేశకులు ఒక అనుభవాన్ని అతిగా చూపించి మిగతావాటిని మీకు లేకుండా చేస్తున్నప్పుడు మోసపోవద్దు . ఇవన్నీయు వారి ప్రత్యేకత, ఆధ్యాత్మికత చూపించుకోవడం కోసమే చేస్తారు. విషయాలను సరైన దృక్పథంతో చూడడము అలాగే వేటి స్థానంలో వాటిని ఉంచడం నేర్చుకుందాం.